لا تحسبــين العرس توفي وكتكات!!!

قيدة أعجبتني من ناحية الفكـــرة وحبيتها انقلها لكم .. إن شاء الله تعجــبكم

لاتحسبين العرس توفـي وكتكـات **** ولا تحسبينه توكـس والا بونتـي

ولاتحسبين العرس تصفيق واصوات **** وانتي على صوت الغطاريف همتي

ولا تحسبين العر س كيكة وطرطا ت **** وصله قطعتيهـا و وصلـه بلعتِـي

ولاتحسبين العرس كوشة ولمبـات **** وانتي كما الطاووس فيهـا جلستـي

ولاتحسبين العرس احلام في الشات **** يامـا بنيتيهـا ويـامـا هدمـتـي

ولا تحسبين العرس روحة وجيـات **** هيا اقضبي بيتك عسـى مانهبلتـي

ليلة سعيدة وانت احلـى الجميـلات **** تشخص عيون الناس اذا حضرتـي

(واللاينر)حطيـه بــلا زيــادات **** لا يخـرب المكيـاج اذا دمعـتـي

(والمسكرة)تحتاج لطـف ومـدارات **** حتـى يبـان الزيـن اذا غمضتـي

(والاسبريه )رشيه حتى البصيـلات **** ينسك شعرك زين ولو كان زدتـي

وترى(المحدد)فن يحتـاج رسمـات **** يبـان رسمـه زيـن اذا ابتسمتـي

العـرس يابنيـة ماهـو شعـارات **** تفنـى مراسيمـه وتبقيـن انتـي

ويبقى شريك العمر راعي الطويلات **** هذا هو العرس الحقيقـي عرفتـي ؟

اول نصيحة لـك حفـظ الصلـوات **** صلي العشا والفجر في كـل وقتـي

وفي ليلة العرس الموفق وبالـذات **** ادعـي الكريـم (الله) اذا سجـدتـي

ولا للتعرب يابنت عند الكوفيـرات **** ولبسك يملـي العيـن اذا لبستـي

واللي على زوجك تحرضك مـرات **** ارجـوك شوتيهـا شوتـت بلنتـي

والصبرفي العشرة حتى على فتـات **** ياماحـلا فعلتـك يومـك صبرتـي

واذا حفظت السـر مـع المـدارات **** زوجك ترى في عيونه انت كبرتـي

والسوق يعني هاه وقت الضرورات **** والاتـرى زوجـك يـدور لمفتـي

زيدي الغطاية وكثري في العبايـات **** والله يرضـى عنـك اذا ستـرتـي

اوصيك بالكبسة وكثـر الإيدامـات **** حتى لو إنك مـن سببهـا متنتـي

وخلي الرجيم اللي فشلتي فيه مرات **** سويـه مـرة واحـدة لا ولـدتـي

اوراق شاعر يرسل ازكى التحيـات **** خصيـه بالـدعـوة اذا دعـوتـي
_________________

يسلموووووووووووو عميييد قصييدة في قمة الرووووعة
تقبل مروري /نــــــــــــدى
_________________

يعطيك العافيه ندى

شاكر لك مرورك الرائع
_________________

يسلمووو والله مره حلووووه كلماتها

تقبل طلتي

يعطيك العافيه اختي عاشقة يومها

وطلتك حلوه
_________________